അമ്മ വിളന്പിത്തന്ന ചോറ്
കണ്ണീരിന്‍റെ തിളക്കത്തില്‍ അതില്‍ നിന്‍റെ മുഖം തെളിയുന്നു
ഒന്നുറക്കെ കരയാന്‍ കഴിയാതെ
കരച്ചില്‍ എന്റെ തൊണ്ടയെ പിളര്‍ക്കുന്നു
ചോറില്‍ തറ, പറ വരച്ച് തലകുനിച്ച് ഞാനിരുന്നു
പിന്നില്‍ നിന്നും അമ്മയുടെ കൈ
എന്റെ ശിരസ്സില്‍ തൊട്ട് പതിയെ ചുമലിലേയ്ക്ക്
വീണ്ടുമെന്‍റെ മുടിയിഴകളില്‍ തഴുകി
നെറ്റിയില്‍ വിരലുകളമര്‍ത്തി
വീണ്ടും പാത്രത്തിലെ ചോറില്‍ നിന്‍റെ ചിത്രം
കറിയ്ക്ക് നിന്‍റെ ചുംബനത്തിന്‍റെ സിഗരറ്റുചുവ
ഓക്കാനം വന്നു ഞാന് എഴുന്നേല്‍ക്കാനോങ്ങി
അമ്മ പിടിച്ചിരുത്തി, മുഴുവന്‍ കഴിയ്ക്കാന്‍
അവസാനം കരച്ചില്‍ വന്നടഞ്ഞ തൊണ്ടയെ
വേദനിപ്പിച്ചുകൊണ്ട് ഞാന് വറ്റുകളെ ചവയ്കാതെ വിഴുങ്ങി
ഒഴിഞ്ഞ പാത്രത്തിലേയ്ക്ക് എന്റെ കണ്ണില്‍ നിന്നും
നിന്‍റെ രൂപം അടര്‍ന്നുവീണു ചിതറി
എന്റെ കണ്ണീരില്‍ കുതിര്‍ന്ന നിന്‍റെ ചിത്രം
ചിതറിയ നിന്‍റെ കഷണങ്ങള്‍
അമ്മ കാണാതെ ചേര്‍ത്ത് ഞാന് ചില്ലിട്ടുവച്ചു
അവസാനം നെഞ്ചിന്‍റെ ഭിത്തിയില്‍ ആണിയടിച്ച് തൂക്കിയിട്ടു
ഇപ്പോള്‍ നീ അവിടെക്കിടന്ന് ചെറുകാറ്റില്‍പ്പോലും ആടുന്നു
സിഗരറ്റില്ലാതെ മദ്യമില്ലാതെ നീ ശുഷ്കിച്ചുപോയിരിക്കുന്നു
ഇത് നിനക്കുള്ള എന്റെ വിധിയാണ്
ചിത്രമിളകിപ്പോരുന്പോള്‍ ആണി വീണ്ടും വീണ്ടും ഞാനാഞ്ഞു തറയ്ക്കുന്നു
ചുടുചോര തൂവുന്നത് നിനക്ക് കാണാമോ, രുചിയ്ക്കാമോ
കാണാം.... അതുകണ്ട് നിന്‍റെ മുഖം അറപ്പാല്‍ ചുളിയുന്നു
അത് കണ്ട് ആത്മനിന്ദകൊള്ളാന്‍ എനിക്ക് അഭിമാനം തോന്നുന്നു
കണ്ണീരിന്‍റെ തിളക്കത്തില്‍ അതില്‍ നിന്‍റെ മുഖം തെളിയുന്നു
ഒന്നുറക്കെ കരയാന്‍ കഴിയാതെ
കരച്ചില്‍ എന്റെ തൊണ്ടയെ പിളര്‍ക്കുന്നു
ചോറില്‍ തറ, പറ വരച്ച് തലകുനിച്ച് ഞാനിരുന്നു
പിന്നില്‍ നിന്നും അമ്മയുടെ കൈ
എന്റെ ശിരസ്സില്‍ തൊട്ട് പതിയെ ചുമലിലേയ്ക്ക്
വീണ്ടുമെന്‍റെ മുടിയിഴകളില്‍ തഴുകി
നെറ്റിയില്‍ വിരലുകളമര്‍ത്തി
വീണ്ടും പാത്രത്തിലെ ചോറില്‍ നിന്‍റെ ചിത്രം
കറിയ്ക്ക് നിന്‍റെ ചുംബനത്തിന്‍റെ സിഗരറ്റുചുവ
ഓക്കാനം വന്നു ഞാന് എഴുന്നേല്‍ക്കാനോങ്ങി
അമ്മ പിടിച്ചിരുത്തി, മുഴുവന്‍ കഴിയ്ക്കാന്‍
അവസാനം കരച്ചില്‍ വന്നടഞ്ഞ തൊണ്ടയെ
വേദനിപ്പിച്ചുകൊണ്ട് ഞാന് വറ്റുകളെ ചവയ്കാതെ വിഴുങ്ങി
ഒഴിഞ്ഞ പാത്രത്തിലേയ്ക്ക് എന്റെ കണ്ണില്‍ നിന്നും
നിന്‍റെ രൂപം അടര്‍ന്നുവീണു ചിതറി
എന്റെ കണ്ണീരില്‍ കുതിര്‍ന്ന നിന്‍റെ ചിത്രം
ചിതറിയ നിന്‍റെ കഷണങ്ങള്‍
അമ്മ കാണാതെ ചേര്‍ത്ത് ഞാന് ചില്ലിട്ടുവച്ചു
അവസാനം നെഞ്ചിന്‍റെ ഭിത്തിയില്‍ ആണിയടിച്ച് തൂക്കിയിട്ടു
ഇപ്പോള്‍ നീ അവിടെക്കിടന്ന് ചെറുകാറ്റില്‍പ്പോലും ആടുന്നു
സിഗരറ്റില്ലാതെ മദ്യമില്ലാതെ നീ ശുഷ്കിച്ചുപോയിരിക്കുന്നു
ഇത് നിനക്കുള്ള എന്റെ വിധിയാണ്
ചിത്രമിളകിപ്പോരുന്പോള്‍ ആണി വീണ്ടും വീണ്ടും ഞാനാഞ്ഞു തറയ്ക്കുന്നു
ചുടുചോര തൂവുന്നത് നിനക്ക് കാണാമോ, രുചിയ്ക്കാമോ
കാണാം.... അതുകണ്ട് നിന്‍റെ മുഖം അറപ്പാല്‍ ചുളിയുന്നു
അത് കണ്ട് ആത്മനിന്ദകൊള്ളാന്‍ എനിക്ക് അഭിമാനം തോന്നുന്നു
